Moneelo wa Tokelo ya Ngwalollo Feela (e theilwego molaong wa United States) goba Tiišetšo ya Pulegelo ya Setšhaba
Motho goba batho bao ba itswalanyago le tokumente ye ("Moneedi" goba "Motiišetši") mo e ka ba o (a) tiišetša gore, go ya kamoo a tsebago ka gona, mošomo wa bongwadi wo o boletšwego wo o bulegetšego setšhaba wa naga yeo mošomo o phatlaladitšwego go yona, goba (b) o neela tokelo ya ngwalollo le ge ele efe yeo baneedi ba e swerego mošomong wa bongwadi wo o boletšwego ka tlase ga ("Mošomo") wo o bulegetšego setšhaba. Go feta moo, motiišetši o neela dikgahlego le ge ele dife tša tokelo ya ngwalollo tšeo a ka bago a di tswalantšhitše le mošomo, le bakeng sa merero ye, o hlaloswa e le "moneedi" ka mo tlase.
Motiišetši o gatile megato e kwagalago ya go tiišetša boemo bja tokelo ya ngwalollo ya mošomo wa gagwe. Motiišetši o lemoga gore maiteko a gagwe a mabotse ao a a botago a ka se mo šire go boikarabelo bja gagwe ge eba ge e le gabotse mošomo wo o tiišeditšwego ga wa bulegela setšhaba.
Moneedi o dira moneelo wo bakeng sa go hola setšhaba ka kakaretšo le go thuša bajabohwa bja Moneedi le bao ba tlago ka morago ga bona. Moneedi o ikemišeditše gore moneelo wa gagwe e be molao wo o ka bonwago wa go tlogelwa ga go ya go ile ga ditokelo ka moka tša gona bjale le tša nakong e tlago ka tlase ga molao wa tokelo ya ngwalollo, go sa šetšwe gore di tiišitšwe ka molao goba di a kgonega, mo Mošomong. Moneedi o kwešiša go tlogelwa mo go bjalo ga ditokelo ka moka go akaretša go tlogelwa ga ditokelo ka moka tša go gapeletša (ka kgoro ya tsheko goba ka tsela e itšego) ditokelo tšeo tša ngwalollo Mošomong.
Moneedi o lemoga gore, ge o šetše o bulegetše setšhaba, Mošomo o ka tšweletšwa gape, abiwa, fetišetšwa, dirišwa, lokišwa, go aga godimo ga wona, ka bolokologi goba wa bonagatšwa ka tsela e itšego ke le ge e ka ba mang bakeng sa morero le ge ele ofe, wa kgwebo goba e sego wa kgwebo, ka tsela le ge ele efe, go akaretšwa mekgwa yeo e sešogo ya tsebjwa goba go tšweletšwa.