CC0

Vi uzas ilon por liberigi vian propran verkon de aŭtorrajtaj limigoj tutmonde. Vi povas la ilon uzi eĉ se la verko en iuj jurisdikcioj estas sen aŭtorrajto jam nun, por certigi ties liberan disponeblon ĉie. Tio povas okazi ekzemple se vi estas muzeo aŭ biblioteko reproduktanta publikaĵon kaj volanta sciigi klare, ke vi ne pretendas aŭŧorrajton por la cifereca kopiaĵo. La organizaĵo Krea Komunaĵo ne rekomendas ĉi tiun ilon por verkoj, kiuj jam estas tutmonde publikaĵoj, Por tiaj verkoj uzu la Publikaĵan Markon anstataŭe.

Uzante CC0, vi povas rezigni ĉiujn aŭtorajn kaj rilatajn aŭ najbarajn rajtojn, kiujn vi povas havi en ĉiuj jurisdikcioj tutmonde, ekzemple la moralajn rajtojn (ĝis la rezignebla amplekso), la publikigajn aŭ privatecajn rajtojn, rajtojn protektantajn kontraŭ maljusta konkurenco, datenbazajn rajtojn kaj rajtojn protektantajn eltiradon, distribuadon kaj reuzon de datenoj.

Atentu, ke vi ne rajtas rezigni rajtojn por verko, kiun vi ne posedas, se vi ne havas permeson de ties posedanto. Por eviti malrespekton de triapartiaj rajtoj, estas rekomendinde konsulti la aferon kun juristo, se vi ne certas, ĉu vi havas ĉiujn rajtojn bezonatajn por distribui la verkon.

Bonvolu rimarki, ke ĉi tio estas nenia registriĝo kaj la organizaĵo Krea Komunaĵo nek enmemorigas nek konservas iun ajn el la indikoj, kiujn vi entajpas. Ĉi tiu ilo gvidas vin tra generado de HTML kun enkorpigitaj metadatenoj por marki vian verkon disponebla laŭ CC0. Via verko ne estos asociita kun CC0 aŭ disponebligita laŭ CC0, antaŭ kiam vi estos publikiginta ĝin kun marko pri tio.

Ekscii pli komenci »