4.0 lizentzia da bertsiorik berriena, eta nazioartean erabil daiteke. Jurisdikzio zehatz bati moldatutako lizentzia bilatzen ari bazara ere, horiek erabil ditzakezu oraindik ere.

Zure jurisdikzioa ez bada zerrenda honetan ageri, edo lizentzia moldatu baten ordez, lizentzien bertsio berriena erabili nahi baduzu, 4.0 lizentzia-hautagailura itzul zaitezke.

4.0 lizentzia da bertsiorik berriena, eta nazioartean erabil daiteke. Lizentzien bertsio zaharragoak, 3.0 nazioartekoak eta jurisdikzio jakinetara egokitutako moldaketak barne, oraindik ere erabili daitezke beheko "erakutsi bertsio zaharragoak" estekan sakatuta.

Bai

Lizentzia-emaileak lana kopiatzeko, banatzeko, erakusteko eta interpretatzeko baimena ematen die gainerakoei, baita horretan oinarritutako lan eratorriak egiteko eta banatzeko baimena ere.

Bai, gainerakoek berdin partekatzen duten bitartean

Lizentzia-emaileak lan eratorriak sortzeko eta banatzeko baimena ematen die gainerakoei, baina lizentzia beraren edo lizentzia bateragarri baten mende soilik.

Ez

Lizentzia-emaileak lana kopiatzeko, banatzeko, erakusteko eta interpretatzeko baimena ematen die gainerakoei, baina ez horretan oinarritutako lan eratorriak banatzeko.

Bai

Lizentzia-emaileak lana kopiatzeko, banatzeko, erakusteko eta interpretatzeko baimena ematen die gainerakoei, baita merkataritza-xedeetarako denean ere.

Ez

Lizentzia-emaileak lana kopiatzeko, banatzeko, erakusteko eta interpretatzeko baimena ematen die gainerakoei, merkataritza-xederik gabe egiten dutenean soilik.

"Hautatutako Lizentzia" panelak "Lizentziaren ezaugarriak" panelean deskribatutako lizentziaren inguruko informazioa erakusten du. "Lizentziaren ezaugarriak" paneleko balioak aldatuz gero, hemen erakusten den informazioa eguneratuko da.

Kultura Askeko Lanentzat onartua

Hautatutako lizentziak kultura askeko lizentzia batek behar dituen askatasunak ematen baditu, orduan "Kultura Askeko Lanentzat onartua" ikurra agertuko da panel honetan. Erabakia hartzeko orduan informazio gehiago izan dezazun pentsatu da ezaugarri hori. EzKomertzial eta LanEratorririkGabe lizentziek muga gehigarriak barne hartzen dituzte, eta, definizioz, eragotzi egiten dute kultura askeko lizentziatzat hartzea.

Kultura askekoak ez diren gure lizentziak baldintza jakinetan erabilgarriak diren arren, horien erabilerak oharkabeko ondorioak izan ditzake (hala nola, lizentzien bateraezintasuna). Adibidez, "Aitortu-EzKomertziala-PartekatuBerdin" lizentziaren mende dauden lanak ezin dira konbinatu "Aitortu-PartekatuBerdin" lizentziadun lanekin; izan ere, eratorritako lana bi lizentzietako edozeinen mendean jarriz gero, beste lizentzia urratzen da, EzKomertziala murrizketa gehitzen edo ezabatzen duelako.

Lizentzien bateraezintasunaren adibide erreal bat: EzKomertziala edo LanEratorririkGabe murrizketa duten lanak ezin dira Wikipedian argitaratu.

Freedomdefined.org iturri paregabea da kultura askearen inguruko informazioari dagokionez. Kultura askearen definizioaren eta murrizketa onargarrien inguruko orriak abiapuntu paregabeak dira gehiago ikasteko.

Informazio hau makinentzat irakurgarria den formatuan txertatuta dago. Hartara, bilatzaileei zure lanaren inguruko informazio gehigarria indexatzen uzten zaie, eta zure orriko lizentzia-laburpenera doan jendeak zure lana nola aitortu azaltzen duen informazioa ikus dezake.

Badago Creative Commons metadatuen inguruko informazio gehiago eskuragarri.

Lizentziaren mende jartzen ari zaren lanaren izenburua.

Lanaren aitorpena jaso behar duen pertsonaren izena. Gehienetan, egilea izan ohi da.

Lana zer URLri lotu behar zaion. Adibidez, lanaren orria egilearen webgunean.

Lan honek oinarrian duen lanaren URLa.

CC lizentziak dagoeneko onartzen ez dituen eskubideak lortzeari buruzko informazioa ematen duen URLa.

Lizentzia zer lan motari ematen ari zaion deskribatzen du horrek. Adibidez, argazki batek "Irudia" formatua izan beharko luke. Ziur ez bazaude, hautatu "Bestelakoak / Formatu anitzak".

"Lizentzia-ikurra" hautatzeko laukiak beheko eskuineko panelaren edukia zehazten du. Panel horrek zure lana modu egoki eta estandarizatuan markatzeko bitartekoa ematen du.

HTML + RDFa

HTML kodea emango zaizu, zure webgunean kopiatu ahal izateko. HTML kodea makinentzat irakurgarriak diren metadatuekin idatzi da. Hala, bilatzaileek antzeko lizentzia duten lanak bilatu ditzakete, eta erremintek automatikoki hauteman dezakete lanaren inguruko informazioa (adibidez, nor den egilea).

XMP

XMP fitxategiak hainbat fitxategi-formatuetan txerta daitezke, adibidez, PDFetan.

Offline

Testu-ohar sinple bat ematen du, offline dauden lanak markatu ahal izateko

Panel honetako HTMLa zure webgunean itsats daiteke zure lanari zer lizentzia aplikatzen zaion erakusteko, baita aitortza-informazioa ere. HTML kodeak "Lizentziaren ezaugarriak" paneleko eta "Lagundu gainerakoei zu aitortzen!" paneleko informazioa konbinatzen du. HTML kodeak, era berean, RDFa metadatuak jasotzen ditu, bilatzaileek zehaztasunez adieraz dezaten zure lana zer lizentziaren mende dagoen, eta nola aitortzea nahi duzun.

Panel honekin, horrez gain, HTML kodeak, zure webgunean txertatzen denean izango duen aurrebista ikus daiteke. Panelaren goiko aldeko aukera-botoiak HTMLko lizentzia-ikurraren tamaina eta itxura aldatzeko erabili daitezke.

Lana aitortu behar duzu, egileak edo lizentzia-emaileak zehaztutako moduan.

Lan eratorriak banatzea onartzen dizu lizentzia-emaileak soilik haren lana arautzen duen lizentzia berbera edo bateragarria den bat erabilita.

Lanaren kopia aldatu gabeak kopiatu, banatu eta jendaurrean hedatzea onartzen du baimendunak, baina ez hartatik eratorritako lanik.

Lan hau kopiatu, banatu eta jendaurrean hedatzea onartzen du baimendunak. Ordainetan, lan hau ezin da merkataritza xedetarako erabili, baimendunak hartarako baimenik eman ezean.