Verbo das licenzas

Creative Commons has updated its Master Terms of Service and Master Privacy Policy, effective November 7, 2017. Before continuing on our websites or using our services, please review.

O que fan as nosas licenzas

As licenzas de dereitos de autor Creative Commons e as ferramentas supoñen maior equilibrio fronte á opción tradicional de «todos os dereitos reservados» que estabelecen as leis de autoría. As nosas ferramentas danlle a cada un desde os creadores individuais ata as grandes empresas e institucións unha maneira simple e estandarizada de garantir os permisos sobre os dereitos de autor sobre o seu traballo creativo. A combinación das nosas ferramentas e dos nosos usuarios é un vasto e crecente procomún dixital, un conxunto de contido que pode ser copiado, distribuído, editado, recreado e rexerado, todo dentro dos límites da lei de dereitos de autor.

Deseño e fundamentación da licenza

Todas as licenzas Creative Commons teñen moi importantes características en común. Cada licenza axuda os creadores — podemos chamarlles licenciadores se usan as nosas ferramentas — reteñen o dereito de autor mentres permiten a outros copiar, distribuír e facer algúns usos do seu traballo — cando menos sen ánimo comercial. Todas as licenzas Creative Commons aseguran que os licenciadores obteñen recoñecemento polo traballo que o merece. Todas as licenzas Creative Commons funcionan en todo o mundo e permanecen en tanto que sexan aplicábeis as leis dos dereitos de autor (porque se construíron sobre os dereitos de autor). Estas características comúns serven como a base, sobre a cal os licenciadores poden escoller para permitir permisos adicionais cando decidan como queren que se utilice o seu traballo.

Un licenciador con Creative Commons responde a unhas poucas preguntas simples para escoller a licenza — primeiro, quero permitir o uso comercial ou non e logo, quero permitir as obras derivadas ou non? Se un licenciador decide permitir as obras derivadas tamén pode decidir que require que alguén que utilice a obra — a quen podemos chamar licenciado — tamén debe conceder que as novas obras derivadas estean dispoñíbeis nos mesmos termos de licenza. Podemos chamar a esta idea «Compartir igual» que resulta ser un dos mecanismos que (no caso de escollerse) axuda o dixital procomún a medrar co paso do tempo. Compartir igual está inspirado na Licenza pública xeral GNU, utilizada por moitos proxectos de software libre e aberto.

As nosas licenzas non afectan os dereitos que as leis protexen para os usuarios das obras creativas, protexidas polos dereitos de autor, tales como excepcións e limitacións á lei de dereitos de autor como unha transacción xusta. As licenzas Creative Commons requiren de os licenciados obteren permiso para facer o que non estea expresamente permitido. Os licenciados deben ofrecer o recoñecemento do licenciador, manter a información sobre a propiedade intelectual intacta en todas as copias da obra e facer ligazóns á licenza desde as copias da obra. Os licenciados non poden utilizar medidas tecnolóxicas para restrinxir o acceso á obra de outros.

Proba o noso sinxelo Selector de licenzas.

Tres «capas» de licenzas

Lexíbel por máquinas

Lexíbel por humanos

Mais como a maioría dos creadores, educadores e científicos non son xuristas, tamén facemos as licenzas dispoñíbeis nun formato que a xente normal pode ler — a Escritura común (tamén coñecida como a versión «lexíbel por humanos» e unha referencia manexábel por licenciadores e licenciados, resumindo e expresando algúns dos máis importantes termos e condicións. Pense na Escritura común como unha interface amigábel de acceso ao código legal simplificada, aínda que a Escritura común non é en si mesmo unha licenza, e o seu contido non é parte do código legal en si mesmo.

A capa final do deseño da licenza recoñece que o software, desde os motores de busca á ofimática ou a edición de música, ten un rol enorme na creación, copia, investigación e distribución de obras. Para facer doado na Web saber cando un traballo está dispoñíbel cunha licenza Creative Commons, fornecemos unha versión «lexíbel por máquina» da licenza — un resumo das liberdades e obrigas clave escrito nun formato que os sistemas de software, motores de busca e outras clases de tecnoloxía poden comprender. Desenvolvemos un medio para describir licenzas que o software pode comprender chamado Linguaxe de expresión de dereitos CC (CC REL, polas súas siglas en inglés) para conseguilo.

A busca de contido aberto é unha importante función estabelecida pola nosa estratexia. Pode utilizar Google buscando de contidos Creative Commons, descubrir imaxes en Flickr, álbums en Jamendo, e multimedia en xeral en spinxpress. O repositorio multimedia Wikimedia Commons, de Wikipedia, tamén é un usuario fundamental das nosas licenzas.

Tomadas en conxunto, estas tres capas da licenza aseguran que o espectro de dereitos non é só un concepto legal. É algo que o creador de obras pode entender, que os seus usuarios poden entender e que mesmo a Web pode entender.

As licenzas

Atribución
CC BY

Esta licenza permítelles a outros distribuír, fusionar, axustar e recrear sobre a súa obra, mesmo comercialmente, mentres que proporcionen o recoñecemento da creación orixinal. Son as licenzas máis comodamente flexíbeis. Recoméndanse para materiais de máxima difusión e uso.

Ver o documento de licenza | Ver o código legal

Atribución-Compartir igual
CC BY-SA

Esta licenza permite a outros fusionar, axustar e recrear sobre a súa obra mesmo con fins comerciais, mentres lle ofrezan o seu recoñecemento e as súas novas obras teñan os mesmos termos. Esta licenza adoita compararse ás licenzas de software libre «copyleft» e de código aberto.

Ver o documento de licenza | Ver o código legal

Recoñecemento-Sen obra derivada
CC BY-ND

Esta licenza permite a redistribución, comercial e non comercial, mentres se faga sen modificar e respectando a integridade, xunto co recoñecemento para vostede.

Ver o documento de licenza | Ver o código legal

Recoñecemento-Non comercial
CC BY-NC

Esta licenza permítelles a outros fusionar, e recrear sobre a súa obra non comercialmente, e malia que as novas obras deben tamén recoñecer e ser non comerciais, non teñen que licenciar as obras derivadas nos mesmos termos.

Ver o documento de licenza | Ver o código legal

Atribución-Non comercial-Compartir igual
CC BY-NC-SA

Esta licenza permítelles a outros fusionar, axustar e recrear sobre a súa obra non comercialmente, mentres que lle ofrecen o seu recoñecemento e licencian as súas novas obras en idénticos termos.

Ver o documento de licenza | Ver o código legal

Atribución-Non comercial-Sen obra derivada
CC BY-NC-ND

Esta licenza é a máis restritiva entre as nosas seis principais licenzas, soamente permite a outros descargar as súas obra e compartilas con outro mentres lle ofreza o seu recoñecemento mais non pode cambialas de ningunha maneira nin utilizalas comercialmente.

Ver o documento de licenza | Ver o código legal

Tamén fornecemos instrumentos que traballan no ámbito de «todos os dereitos reservados» do dominio público. O noso instrumento CC0 permítelles aos licenciadores renunciar a todos os dereitos e deixar unha obra no dominio público e a nosa marca de dominio público permítelle a calquera usuario de web «marcar» unha obra como de dominio público.